"Алтын сақа" облыстық байқауының қорытындысы

2021 жылғы 16 қыркүйек күні «Ақмола дарыны» дарынды балалар мен талантты жастарды анықтау және қолдау жөніндегі орталығының ұйымдастыруымен «Болашаққа бағдар: Рухани жаңғыру» мақалалық бағдарламасын іске асыру аясында мектеп оқушылары арасында «Алтын сақа» облыстық онлайн сайысын өткізді. Сайыстың негізгі мақсаты: қазақ халқының дәстүрлі асық ойынын өткізу арқылы балалар мен жасөспірімдер арасында қызығушылықты ояту, ептілікке, жеңіске деген құштарлыққа, әділдікке баулу арқылы отансүйгіштік сезімдерін арттыру және ұлттық спортты насихаттау. Жарысқа облысымыздың 9 ауданы (Атбасар, Аршалы, Бұланды, Егіндікөл, Біржан сал, Бурабай, Жақсы, Зеренді, Шортанды) мен 1 қаласынан (Степногорск) жалпы саны 16 топ қатысты. Біржан сал ауданынан бойынша «Андықожа батыр ауылының жалпы орта білім беретін мектебі» КММ «Алшы» командасы (Асылбек Әлмұхаммед, Бейсенбек Нұрсәуле, Серікбол Аягөз) ІІІ орынға ие болды. Жеңімпаздар диплом және бағалы сыйлықтармен, барлық топтар белсенді қатысқаны үшін сертификаттармен, жетекшілер алғыс хаттармен марапатталды.