Ұлттық түрлері бойынша облыстық турнир 3 орынға ие болған

Қазақстан Республикасы Тәуелсіздігінің 30 жылдығына орай 2021 жылғы 16-19 қараша аралығында «Ұлттық мектеп лигасына» қатысуға іріктеу үшін 5-6 сынып оқушылары арасында "Алтын сақа", "Бес асық" және "Тоғызқұмалақ" ұлттық түрлері бойынша облыстық жарыстар өткізілді. Турнир Зеренді ауданы Зеренді ауылындағы "Сұңқар" сауықтыру кешенінің базасында барлық санитарлық-эпидемиологиялық нормалар мен талаптарды сақтай отырып өткізілді. Байқаудың ұйымдастырушысы Ақмола облысы білім басқармасы жанындағы "Облыстық балалар-жасөспірімдер туризмі, өлкетану және экология орталығы". Байқаудың мақсаты: балалар мен жасөспірімдер арасындағы ұлттық ойындарға деген қызығушылықты ояту, ептілікке, жеңіске деген құштарлыққа, әділеттілікке баулу және ұлттық спортты насихаттау арқылы патриотизм сезімін тәрбиелеу. "Бес асық", "Асық ату" және "Тоғызқұмалақ" облыстық турниріне облыстың 14 ауданынан 42 команда қатысты. Біржан сал ауданынан облыстық спартакиадада" Андықожа батыр ауылының жалпы білім беретін мектебі" КММ 6 сынып оқушылары (Болатбекқызы Кәусар, Сүйіндікова Әмина, Дүйсенбай Нузар) және жаттықтырушы Батхан Болатбек облыс бойынша III жүлделі орынға ие болды. Жеңімпаздар грамоталармен, медальмен және бағалы сыйлықтармен марапатталды. Жеңімпаздарды жүлделі орындармен құттықтаймыз!