Аудандық кезеңде "Шахмат" турнир өткізді.

Қазақстан Республикасы Тәуелсіздігінің 30 жылдығына және "Жастар-2021" спартакиадасының жоспары аясында аудандық кезеңде 2021 жылғы 02 желтоқсанда Біржан сал ауданының білім бөлімі Степняк қаласы "Абай атындағы № 2 жалпы орта білім беретін мектеп" КММ базасында барлық санитарлық-эпидемиологиялық нормаларды сақтай отырып, 4-11 сыныптар арасында шахматтан турнир өткізілді. Мақсаты мен міндеттері: Жалпы білім беретін мектептер арасында спортты насихаттау және дамыту. Облыстық жарыстарға қатысу үшін ең мықты қатысушыларды анықтау мақсатында. 4-11 сыныптар арасында шахмат бойынша турнирге ауданның 13 жалпы орта білім беретін мектебі қатысты. 4-11 сыныптар арасында "шахмат" турнирінің қорытындысы бойынша Қоғам ауылының ЖББМ команда құрамы I орын алды, Еңбекшілдер ауылының ЖББМ II орын алды, Алға ауылының ЖОМ III орын алды. Сонымен қатар ұлдар мен қыздар арасында жеке есепте 1,2,3 орын алған қатысушылар: 1 орынды Еңбекшілдер мектебінен 9 сынып оқушысы Амангелді Асқар иеленді, Қоғам мектебінен 2 орынды 9 сынып оқушысы Иранов Али және 8 сынып оқушысы Жақсылық Әділет 3 орын иеленді. Қыздар арасында Қоғам мектебінен 1 орынды 8 сынып оқушысы Манап Гүлнұр және 9 сынып оқушысы Манап Ақнұр 2 орын алды иеленді. Яблоновка мектебінен 3 орынды 9 сынып оқушысы Крадожон Яна алды. Жоғарыда аталған мектептер грамоталармен, медальмен, кубоктармен және бағалы сыйлықтармен марапатталды.