Пікір-сайыс

2019 жылы 22 ақпанда Біржан сал ауданында «Болашаққа бағдар: Рухани жаңғыру» мақалалық бағдарламасын жүзеге асыру аясында аудандық «Білім бөлімі»мемлекеттік мекемесінің ұйымдастыруымен, 
Қазақстандық қауымда орын алатын өзекті мәселелерді қоғамдық талдау және талқылау арқылы аудандық мектеп шәкірттерінің әлеуметтік және шығармашылық белсенділігін арттырып, нақты мәселелерді шешу жолдары мен механизмдерін қарастыру мақсатында мектеп оқушылары арасында пікір-сайыс турнирі ұйымдастырылды. 
Шараға аудан мектептерінен іріктеліп келген барлығы 12 топ өз бақтарын сынады. Тартысты өткен турнирде қазақ тілінде бірінші орынды Қоғам орта мектебінің «Зияткер» тобы иеленсе, екінші орынды Невский орта мектебінің «Жалын» тобы, үшінші орынды Кеңащы орта мектебінің «Жастар» тобы мен Бірсуат орта мектебінің «Жалын» тобы жеңіп алды. 
Орыс тілінде бірінші орынды Казгородок орта мектебінің «Динамит» тобы иеленсе, екінші орыннан қалалық №1 орта мектептің «Мұрагер» және үшінші орыннан Макинка орта мектебінің «Мы вместе» тобы көрінді. Турнирге қатысқан барлық топтар «Рухани жаңғыру» бағдарламасы аясында арнайы дайындалған алғыс хаттар және кубоктармен марапатталды. Оқушыларымыздың өздерін еркін сезініп, ойларын тегіс жеткізуіне қарап болашақ жастардың қолында екеніне тағы бір көзіміз жеткендей. 
2019 жылы 1-3 наурыз аралығында ауданымыздың намысын облыстық турнирде қорғайтын «Зияткер» және «Динамит» топтарына жеңіс тілейміз!