"Алтын сақа" аудандық сайысы

2019 жылы 12 наурыз күні Біржан сал ауданының Шәймерден Қосшығұлов атындағы Қоғам орта мектебінде аудандық білім бөлімінің ұйымдастыруымен Алаш қайраткері, Патшалық Ресейдiң I және II Дума депутаты болған Шәймерден Қосшығұловтың 145 жылдығына орай мектеп оқушылары арасында «Алтын сақа» аудандық сайысы өтті. Қонаққа Шәймерден бабамыздың ұрпақтары, Макин ауылдық округінің әкімі Шарипов Әсет Рақымжанұлы шақырылды. Ауданның 14 мектептерінің командалары бақтарын сынады. Сайысты жоспарланған бағдарламаға сай ұйымдастырып, жүргізген аудандық білім бөлімінің әдіскері Абуов Руслан Ғалымұлы және Қоғам орта мектебінің дене шынықтыру пәні мұғалімі Құсайынов Мейрамбек Зейнелғабиденұлы. Сайыс соңында әділ төрешілердің шешімімен жеңімпаз командалар анықталып, жүлделі І орын иеленген Ш. Әлжанов атындағы Сәуле орта мектебінің командасы – ауыспалы кубок, медаль және мадақтамамен, ІІ орынды Қызықұйым негізгі мектебі командасы иеленіп, медаль және мадақтамамен, жүлделі ІІІ орынға Макин орта мектебі командасы ие болып, медаль және мадақтаммен марапатталды. «Сұрмерген» номинациясы бойынша Қоғам орта мектебінің оқушысы Шәріп Төрежанның иығына ұлттық шапан жабылды. 
«Алтын сақа» аудандық сайысты ұйымдастырып өткізуге, жеңімпаздарды марапаттауға, қонақ асын жаюға көрнекті алаш қайраткері, діндар Шәймерден бабамыздың ұрпақтары демеушілік көрсетті.
Алаш қозғалысына өзіндік үлес қосқан, сталинизм жылдары қуғын-сүргінге ұшыраған қазақтың дін-ислам қызметшілерін еске алып, олардың рухтарына тағзым ету тәуелсіз еліміздің азаматтарының парызы, ал Елбасы Н.Ә.Назарбаев «Болашаққа бағдар: рухани жаңғыру» мақалалық бағдарламасындағы «Ұлттық салт-дәстүрімізді, тіліміз бен музыкамыз, әдебиетіміз, жоралығыларымыз, бір сөзбен айтқанда ұлттық рухымыз бойымызда мәңгі қалуға тиіс» деген ұлағатты сөздерін алға тарта отырып, жеткіншек ұрпаққа ұлттық ойындардың мәнін, мақсатын теориялық және іс жүзінде ұғындырып, кеңінен тарату біздің мақсатымыз деп білейік.