"Қызғалдақ" қыздар клубының ашылу

2019 жылы 15 наурызда Біржан сал ауданы "Білім бөлімі" мемлекеттік мекемесінің ұйымдастыруымен Абай атындағы №2 қазақ орта мектебінде «Қызғалдақ» қыздар клубының ашылу салтанаты болып өтті. Жиынға Біржан сал ауданы әкімінің орынбасары Ахметова Орынбасар Теңдікқызы, Біржан сал ауданы білім бөлімінің басшысы Абдикенов Руслан Қазбекұлы және "Ақ жаулық" әжелер тобының мүшелері қатысты. Алғы сөзді Біржан сал ауданы әкімінің орынбасары Ахметова Орынбасар Теңдікқызы алып, жиынды ашып берді. Өз сөзінде оқушы қыздарға кеңесін бере отырып, қыздар ұйымының «Қызғалдақ» деп аталу себебін айқын ашып беріп, ұйымға жетекші Кенчимбаева Кенже Мырзахметқызы тағайындалғанын мәлімдеді. Келесі сөз кезегін Ақ жаулықты әжелер тобының мүшесі Алтынай әжеміз алып, өз сөзін қазақтың керемет тұлғаларының, оның ішінде Әзілхан Нұршайықовтың өлең жолдарымен жеткізді. Бұл сөздері жиынға қатысушылардың көкейіне ерекше із қалдырды. Келесі сөзді көп балалы ана Культябина Жұлдыз алып, бала тәрбиесіндегі ата-ананың,оның ішінде қыз бала тәрбиесіндегі ананың ерекше орны туралы жүйелі ой білдірді. Және де жиын барысында қыздар өздерінің көкейінде жүрген сұрақтарын Ақ жаулықты әжелер мен аналарға қойып, жауаптарын тыңдады. Сөз соңында қыздар ұйымының жетекшісі бұл іс-шараның бастауы ғана екенін, алда біраз жұмыстар атқарылатынын айтып, қорытындылады. Алдағы уақытта ауданымыздың мектептерінде қыздар клубын ашу жұмысы жалғасын табатын болады.