"Салт-дәстүрім-сарқылмас қазынам"

2019 жылы 18 наурыз күні "Рухани жаңғыру" мақалалық бағдарламасы аясында Наурыз мерекесіне орай "Білім бөлімі" мемлекеттік мекемесінің ұйымдастыруымен Біржан сал ауданының Казгородок орта мектебінде аудандық мектеп оқушылары мен ұстаздары арасында «Салт-дәстүрім–сарқылмас қазынам» атты «Қазақ халқының салт-дәстүрлері» шығармашылық байқауы өтті. Аталған шараға арнайы келген аудан әкімі Нұғыманов Ермек Бекенұлы салт-дәстүрімізді дәріптеп өскелең жас ұрпақтың бойына дарыту баршамыздың міндетіміз екенін атап көрсетіп,  байқауға қатысушыларға ақ тілегін білдірді. "Шілдехана", "Бесік той", "Ерулік", "Тұсау кесер", "Көрісу", "Тоқым қағар", "Азан шақырып ат қою", "Қыз бен жігіт айтысы", "Наурыз тойы" тағы басқа салт-дәстүрлер көрсетілген байқау өте жоғары дәрежеде өткенін атап өткіміз келеді. Байқау қорытындысы бойынша І орынды Казгородок орта мектебі, ІІ орынды Абай атындағы №2 қазақ орта мектебі, ІІІ орынды Краснофлот негізгі мектебі иеленді. Барлық жеңімпаздар мадақтама қағаздары және бағалы сыйлықтармен марапатталды. Халқымыздың әдеп -ғұрпын дәріптеп, салт-дәстүрін санасына сіңірген жастарымыз көп болсын!