Қассиетті домбыра

2019 жылы 19 наурыз күні Көкшетау қаласындағы Біржан сал атындағы музыкалық колледж ғимаратында Ақмола облысы білім басқармасы, Облыстық оқу - әдістемелік орталығы және «Ақмола облысы «Жас Ұлан» бірыңғай балалар мен жасөспірімдер ұйымы»қоғамдық бірлестігінің ұйымдастыруымен «Болашаққа бағдар: Рухани жаңғыру» мақалалық бағдарламасын жүзеге асыру аясында мектеп оқушылары арасында «Қасиетті домбыра» облыстық байқауы өтті. Аталған байқауда Біржан сал ауданының жас өнерпаздары да бақтарын сынады. "Үздік күйші" аталымы бойынша өнер көрсеткен Шәрәпи Әлжанов атындағы Сәуле орта мектебінің 9 -сынып оқушысы Балтабек Гаухар және Кеңащы орта мектебінің 6-сынып оқушысы Темірхан Ерсұлтан алғых хаттармен марапатталды. (жетекшісі Смағұлов Тастенбек Арыстанбекұлы) "Үздік дәстүрлі әнші" аталымы бойынша өнер көрсеткен Шәрәпи Әлжанов атындағы Сәуле орта мектебінің 6 -сынып оқушысы Анас Жарас алғыс хатпен марапатталса, 8-сынып оқушысы Анас Иманғазы жүлделі І орынды жеңіп алып дипломмен және естелік сыйлықпен марапатталды. (жетекшісі Альжанов Жеңіс Анасұлы) . Жас өнерпаздарды дайындаған жетекшілері де облыстық білім басқармасының алғыс хаттарымен марапатталды. Аталған жеңіспен Біржан сал ауданының тұрғындарын шын жүректен құттықтаймыз! Алдағы уақытта Республикалық байқауда Ақмола облысының намысын қорғайтын Анас Иманғазы Жеңісұлына сәттілік тілейміз!