Үздік педагог-2019

2019 жылы 16 сәуір күні Біржан сал ауданының "Білім бөлімі" мемлекеттік мекемесінің ұйымдастыруымен "Үздік педагог-2019" байқауы өтті. Аталған байқауда ауданымыздың мектептері мен мектепке дейінгі білім беру ұйымдарынан іріктеліп келген 28 ұстаз бақтарын сынады. Тартысты өткен байқауда жүлделі ІІІ орынды Еңбекшілдер орта мектебінің бастауыш сынып мұғалімі Куандыкова Жанаргуль Кайлашевна, ІІ орынды қалалық 1 орта мектебінің математика пәнінің мұғалімі Ильясова Гүлнәз Кәрібайқызы, І орынды Казгородок орта мектебінің қазақ тілі мен әдебиеті пәнінің мұғалімі Баянжанова Анар Амангелдіқызы, бас жүлдені Бұланды орта мектебінің ағылшын тілі пәнінің мұғалімі Идрисова Асемгүл Рашидқызы жеңіп алса, мектепке дейінгі білім беру ұйымдары арасында жүлделі І орыннан Кеңащы орта мектебінің жанындағы "Ақбота" шағын орталығының тәрбиешісі Жүсіпова Мейрамгүл Қыстаубайқызы көрінді. Жүлделі орынға ие болған ұстаздар аудандық білім бөлімінің грамотасымен және аудандық кәсіподақ ұйымы дайындаған ақшалай сертификатпен марапатталды. Алдағы уақытта облыстық байқауда ауданымыздың намысын қорғайтын ұстаздарымызға жеңіс тілейміз!