Жас Ұлан-2019

2019 жылы 17-19 қыркүйек күндері Зеренді ауданының "Avrora Garden" демалыс орталығында "Жас Ұлан" бірыңғай балалар мен жасөспірімдер ұйымының ұйымдастыруымен "Жас көшбасшылар" форумы болып өтті. Аталған форумға Біржан сал ауданының делегация да қатысты. Спорттық байқаудың "Арқан тарту" ойыны бойынша жүлделі 3 -орын, топтық эстафета ойынында 2 -орынға ие болып, өздерінің қарым -қабілеттерін көрсете білді. Делегацияның жетекшісі білім бөлімінің тәрбие жұмысының әдіскері Абуов Руслан Ғалымұлы және Абай атындағы қазақ орта мектебінің жас көшбасшылары облыстық ішкі саясат басқармасы және білім басқармасының атынан диплом, сертификат, алғыс хаттарымен марапатталды. Жалынды жастарымыз көп болсын!