"дүкен Адалдық" ашылды.

Бүгін Біржан сал ауданының Шәймерден Қосшығұлов атындағы Қоғам орта мектебінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасының негізінде "Адалдық дүкені" ашылды. Адалдық дүкенінің салтанатты ашылуына Макин ауылдық округінің әкімінің м.а. Езов Д.В., ауыл ақсақалы Жайкенов Е.Б., жеке кәсіпкер Ахметова Жамал апай қатысты. Ашылу лентасын қию рәсімі Макин ауылдық округінің әкімінің м.а. Д.В Езовқа берілді. «Адалдық дүкені» арқылы оқушыларымыз өздерін жақсы, адал адам ретінде тануға мүмкіндік алады. «Адалдық дүкенінде» мұғалімдер мен оқушылар өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысатыны туралы ақпараттандырылды. Яғни, сатушысы жоқ дүкенде затты сатып алушылар өздеріне адалдық принципі бойынша қызмет көрсететіндігі айтылды. Ашылу салтанатынан кейін дүкен өз жұмысын бастап кетті. Оқушылардың қуанышында шек болмады.