Баянғали оқулары!

Түске дейін аудандық "Білім бөлімі" мемлекеттік мекемесінің ұйымдастыруымен ағамыз Баянғали Тоқанұлының туған жері Кеңащы ауылында «Баянғали оқулары!» байқауын өткізіп, ауыл тұрғындарының қошеметіне бөленіп, ақсақалдардың ақ батасын алдық. Бүгінгі аудандық​ «Баянғали оқулары!» байқауына арнайы ат басын бұрып Л.Гумилев атындағы Еуразия ұлттық университетінің профессоры, филология ғылымдарының докторы Шәкір Шәкімшәріпұлы Ибраев және филология ғылымдарының докторы, профессор Негимов Серік Нығметоллаұлы келді. Кеңашы мектебі оқушыларының концерттік бағдарламасынан кейін, күн тәртібіне сәйкес ​ кезек сайыскерлерге берілді. «Баянғали оқулары!» үш аталым бойынша өткізілді: ​ Бірінші, «Қазақтың мен де ақкөңіл баласымын» сайысында шәкірттер ақын өлеңдерін нақышына келтіре мәнерлеп жатқа оқыды. «Жазар жыры, айтар әні сарқылмас» аталымы бойынша сайысқа түскен оқушылар ақынның сөзіне жазылған не әуенін шығарған әндерін орындады. ​