«Жақсылық-жан азығы» атты қайырымдылық акциясы өтті

2020 жылы 7 ақпан Біржан сал ауданының Рамазан Елебаев атындағы Құдықағаш орта мектебінде 1-11 сыныптар аралығында «Жақсылық-жан азығы» атты қайырымдылық акциясы өтті. Бұл акцияның негізгі мақсаты оқушылардың бойына адами қасиеттерді дарыту және адамгершілікке тәрбиелеу. Оқушы бойына осындай қасиеттерді ұялатып, жан-жағындағыларға тек жақсылық тілеп,жанашырлық танытып, кез-келген ортада өзін жақсы ұстай алатын, өмір сүруге құштар тұлға қалыптастыру біздің басты мақсатымыз. Осыған орай мектебімізде өткізіліп жатқан қайырымдылық акциясы адамгершілік пен мейірімділікке бастайтын алғашқы қадам деп білуіміз керек. Осы акция кезінде мектеп оқушылары үйлерінен тәттілер пісіріп әкеліп, тегін бір-біріне алғыс айтып таратты. Қайырымдылық акциясына мектеп ұстаздары қолынан келгенше өз үлестерін қосты және оқушылар тарапынан осындай қайырымдылық акциясы жиі өтіп тұрса деген тілектер білдірді.